Аўтаматызацыя вагагабарытнага кантролю

Брэсцкай мытняй сумесна з Люблінскім упраўленнем па абслугоўванні пунктаў пропуску Рэспублікі Польшча завершана рэалізацыя праекта "Паляпшэнне эфектыўнасці мытнага кантролю ў аўтадарожным пункце пропуску "Дамачава"". Праект рэалізоўваўся ў рамках праграмы трансгранічнага супрацоўніцтва "Польшча-Беларусь-Украіна" 2014-2020.

 

Узважванне аўтамабіляў можа ажыццяўляцца як у ручным рэжыме супрацоўнікам, так і ў аўтаматычным з вывадам інфармацыі на працоўныя месцы службовых асоб мытні.

 

Брэсцкай мытняй і Міністэрствам інвестыцый і эканамічнага развіцця Рэспублікі Польшча ад імя Еўрапейскага саюза падпісаны грантавы кантракт па праекту міжнароднай тэхнічнай дапамогі "Паляпшэнне эфектыўнасці мытнага кантролю ў аўтадарожным пункце пропуску "Дамачава"", у мэтах забеспячэння ажыццяўлення мытнымі органамі функцый аўтамабільнага кантролю ў аўтадарожных пунктах пропуску праз Дзяржаўную мяжу Рэспублікі Беларусь.